Жисмимни кўтариб турибди тупроқ, Ернинг устидаман, йўқ зарра нолам. Ўзи чорлар бир кун бағрига, бироқ, Менсиз қолганингда чидайсан, болам.
Ҳай дунё, ўзингни бир пулга сотдинг, Калава топдинг-у, учин йўқотдинг. Мен каби охири ғафлатда қотдинг,[ Sherlaruz.com ] Менсиз қолганингда чидайсан, болам.
Инсон эзгуликдан топгай фароғат, Нима зарур унга зулму қабоҳат. [ Sherlaruz.com ] Кимдир уриштириб, қилгайдир роҳат, Менсиз қолганингда чидайсан, болам.
Ерни ҳам, кўкни ҳам айладим тавоф, Лекин ҳеч биридан чиқмади жавоб.[ Sherlaruz.com ] Бўғзимда "Нега?”, деб қотди бир хитоб, Менсиз қолганингда чидайсан, болам.
Дунёга боқмадим мен асло ёвдек, Гоҳо тўсса ҳамки йўлимни ғовдек.[ Sherlaruz.com ] Ҳар ҳолда, гаплашдик икки соқовдек, Менсиз қолганингда чидайсан, болам. www.SHERLARUZ.CoM - Saytdan olindi!
Do'stlaringizga yuboring:
|